Universis Christi fidelibus presens scriptum visuris vel audituris Roysia atte Thorne de Mapeltrestede magna salutem in Domino Noverit universitas vestra me concessisse remisisse et omnino pro me et heredibus meis in perpetuum quietum clamasse Deo et beate Marie et sancto Iohanni Baptiste necnon priori et fratribus hospitalis sancti Iohannis Ierusalem in Anglia totum ius et clamium quod habui vel aliquo modo habere potui in una virgata terre cum pertinentiis in predicta villa de Mapeltrestede magna quam pecii versus predictos priorem et fratres per brevem de recto in curia domini Thome de Huntercoumbe in predicta villa de Mapeltrestede concessi eciam remisi et omnino pro me et heredibus meis in perpetuum quietum clamavi prenominatis priori et fratribus hospitalis predicti totum ius meum et clamium quod habui vel aliquo modo habere potui in omnibus terris et tenementis cum suis pertinentiis que predicti prior et fratres tenent in villis de parva Mapeltrestede et Gestnyngthorpe in dominico vel servicio ita quod nec ego predicta Roisia nec heredes mei nec aliquis nomine nostro aliquod ius vel clamium de cetero exigere vel vendicare aliquo modo poterimus in perpetuum In cuius rei testimonium presenti scripto sigillum meum apposui Hiis testibus domino Willelmo de Hanyngfeld domino Thoma de Huntercoumbe militibus Waltero de Hodenges Ricardo de Cakeston Willelmo de Royston Andrea Huraunt Willelmo Morell Waltero Morell Willelmo Dyn Iohanne Dyn Rogero Fraunceys et aliis Datum apud Mapeltrestede parvam die sabbati proxima post festum sancti Gregorii pape anno regni regis Edwardi filii regis Edwardi septimo in presencia religiosi viri fratris Willelmi de Tothale tunc prioris hospitalis fratris Iohannis de Attecoumbe preceptoris fratris Rogeri de Tothale et aliorum tunc presencium

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.