Universis sancte matris ecclesie filiis tam presentibus quam futuris frater Iohannes de Accumbe preceptor domus hospitalis sancti Iohannis Ierusalem apud Mapeltrestede salutem in Domino sempiternam Noveritis nos voluntate et assensu fratrum nostrorum concessisse et hac presenti carta nostra confirmasse Rogero Fraunceys de Halstede et Roberto filio suo unam peciam terre nostre in villa de Halstede predicta iacentem habendam et tenendam totam predictam peciam terre cum omnibus suis pertinentiis predictis Rogero et Roberto et eorum heredibus reddendo inde annuatim nobis et successoribus nostris videlicet domui nostre de Mapeltrestede octo denarios ad duos anni terminos videlicet ad festum sancti Michaelis quatuor denarios et ad Pascha quatuor denarios et semel in anno sectam curie nostre pro omnibus serviciis consuetudinibus et cuntis aliis demandis Et nos fratres et successores nostri totam predictam peciam terre cum omnibus suis pertinentiis predictis Rogero et Roberto et eorum heredibus warantizabimus acquietabimus et contra omnes gentes imperpetuum defendemus tam diu per cartas feoffatorum nostrorum warantizare poterimus In cuius rei testimonium huic presenti carte sigillum ballive nostre de Mapeltrestede apposuimus Hiis testibus fratre Henrico de Braybrok fratre Rogero de Langelege Waltero Mora Iohanne de Stubbeley Laurencio Panymere et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.