Sciant presentes et futuri quod ego Iordanus de Anevill[] de consilio et assensu Beatricis de Lucy uxoris mee dedi concessi et presenti carta mea confirmavi Deo et beate Marie et sancto Iohanni Baptiste et beatis pauperibus et fratribus sancte domus hospitalis Ierusalem pro salute anime mee et anime predicte Beatricis uxoris mee et pro animabus omnium antecessorum et successorum nostrorum in liberam et perpetuam elemosinam decem acras terre in Elmedun[] quas Ernaldus tenuit et decem acras in Cristeshale quas Osbertus tenuit de dimidia virgata bosci et unam acram ante portam predicti Osberti habendas et tenendas cum omnibus pertinentiis suis in bosco et plano in pratis et pasturis et in omnibus aliis libertatibus et aisiamentis predictarum villarum integre et plenarie libere et quietas ab omni servicio et exaccione seculari excepto tantum modo servicio domini regis Hiis testibus Richero de Bellocampo Henrico Lohond[] et Roberto filio suo Roberto Rumbaldo Rembaldo filio Radulphi Ricardo Waste Ranulfo Duddeho Willelmo Fresell[] Willelmo Barun[] et pluribus aliis cum Thoma de Suham

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.