Sciant presentes et future quod ego Adam filius Alani Buho dedi et concessi et hac presenti carta mea confirmavi Deo et beate Marie et sancto Iohanni Baptiste et beatis pauperibus sancte domus hospitalis Ierusalem et fratribus eiusdem domus in Anglia Deo servientibus tresdecim denarios annui redditus quos heredes Willelmi Buho solebant reddere annuatim Roberto fratri meo et Robertus michi de duabus acris terre iacentibus in Southenton[] et totum ius quod habui vel habere potui in predicto redditu et terra predicta in liberam et puram et perpetuam elemosinam tenendos et habendos de me et heredibus meis dictis fratribus et eorum successoribus libere quiete pacifice imperpetuum sicut aliqua elemosina melius et liberius alicui domui religionis poterit conferre Et ego Adam et heredes mei predictos tresdecim denarios annui redditus cum pertinentiis predicte domui hospitalis et fratribus eiusdem domus et eorum successoribus imperpetuum warantizabimus et defendemus Hiis testibus Iohanne tunc vicario de Rodm[er]sham Petro Buho Roberto Buho Iohanne de Mouston[] Roberto de Holefeud[] Abraham Togg[er]hous Elya Togg[er]hous Alano de Piris Petro Sokeling[] Iohanne filio Willelmi de Monasterio Ada fratre suo Radulpho filio Eylm[eri] Galfrido de Kingeston[] Willelmo filio Alani le Mere et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.