Sciant presentes et futuri quod ego Simon filius Petri Makerel de Colcestria concessi dedi et hac presenti carta mea confirmavi Ricardo de Bercholte marcatori de Colcestria sexdecim denarios annui redditus infra Colcestriam percipiendos ad duos terminos anni videlicet octo denarios ad Pascha et denarios octo ad festum sancti Michaelis de tenemento quondam Gilberti Hardell[] iacente inter tenementum Walteri cok molendinarii ex una parte versus le est et tenementum dicti Ricardi versus le west et unam libram piperis percipiendam annuatim ad festum sancti Iohannis Baptiste de eodem tenemento habendos et tenendos predictos sexdecim denarios annui redditus et predictam libram piperis de me et heredibus meis vel meis assignatis predicto Ricardo et heredibus suis vel suis assignatis et cuicumque vel quibuscumque ac quandocumque illos sexdecim denarios annui redditus et illam libram piperis dare legare vendere invadiare aut quocumque modo assignare voluerit libere quiete bene et in pace in perpetuum reddendo inde annuatim michi et heredibus meis vel meis assignatis unum clavum gariofili semper ad Pascha pro omnibus serviciis consuetudinibus exaccionibus et demandis secularibus Pro hac autem concessione donacione et presentis carte mee confirmacione dedit michi dictus Ricardus duas marcas esterlingorum in gersumam Et ego dictus Simon et heredes mei vel mei assignati warantizabimus acquietabimus et defendemus predictos sexdecim denarios annui redditus et predictam libram piperis predicto Ricardo et heredibus suis vel assignatis et eorum heredibus et sic de herede in heredem et de assignato in assignatum in omnibus contra omnes homines et feminas mortales per predictum servicium faciendum in perpetuum In cuius rei testimonium huic presenti carte sigillum meum apposui Hiis testibus Thoma Lychtwyn[] Henrico Godyar tunc baillivis Colcestr[ie] Olivero filio Elye Iohanne fratre suo Waltero aurifabro Galfrido Godyar Roberto de Leycestr[] Iohanne Gerold[] Waltero cok[] et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.