Sciant presentes et futuri quod nos Henricus Wensy et Gilbertus de Hardel burgenses de Gernemuta concessimus remisimus et omnino quietum clamavimus pro nobis et heredibus nostris vel nostris assignatis Ricardo [de] Bercholte Saukevile draperio de Colcestr[ia] et heredibus suis vel suis assignatis in perpetuum totum ius et clamium quod habuimus vel habere potuimus vel aliquo modo iuris nobis vel heredibus nostris accidere poterit in toto illo tenemento nostro cum omnibus edificiis curtilagiis et cum suis pertinentiis in foro Colcestr[ie] et in omnibus redditibus nostris in eadem villa in suburbio eiusdem ville sine aliquo retento quod et quos dictus Ricardus nobis concessit dedit et carta sua confirmavit ita quod nec nos dicti Henricus et Gilbertus nec heredes nostri vel nostri assignati nec aliquis per nos pro nobis seu nomine nostro de toto tenemento predicto cum edificiis curtilagiis aut de redditibus predictis cum omnibus suis pertinentiis racione alicuius seisine in eisdem habite aliquid iuris vel clamii de cetero exigere vendicare aut clamare poterimus Et ad maiorem securitatem cartam nostram feoffamenti et omnia alia scripta et monumenta quam et que de dicto Ricardo inde habuimus eidem Ricardo reddimus et liberavimus Pro hac autem concessione remissione et quieta clamacione dedit nobis dictus Ricardus duodecim marcas sterlingorum Et ut hec nostra concessio et remissio et quieta clamacio firma et stabilis [remaneat] in perpetuum huic scripto sigilla nostra apposuimus Hiis testibus Thoma Listwine Iohanne de Horstede tunc baillivis Colcestrie Olivero filio Elie Waltero aurifabro Henrico Godyar Galfrido fratre suo Ricardo Pruet Iohanne coleman Waltero de Fonte Roberto marcatore Iohanne Leman Andrea clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.