Sciant presentes et futuri quod ego Cristina relicta Stephani Prudumme in legitima viduitate mea dedi et concessi et hac presenti carta mea confirmavi pro me et heredibus meis et animabus antecessorum meorum Deo et beate Marie et sancto Iohanni Baptiste et fratribus hospitalis sancti Iohannis Ierusalem in puram et perpetuam elemosinam totam terram meam cum omnibus pertinentiis suis que iacet inter boscum qui vocatur Hoxeneheye domini Iohannis de Angayn[] et terram Thome de Brok[] tenendo et habendo dicti fratres hospitalis in puram et perpetuam elemosinam sicut aliqua elemosina melius et liberius dari possit imperpetuum Et ego dicta Cristina et heredes mei predictam terram cum omnibus pertinentiis suis dictis fratribus hospitalis contra omnes gentes warantizabimus acquietabimus et defendemus de sectis curie et omnibus exaccionibus secularibus consuetudinibus et demandis imperpetuum Et ut hec mea donacio et concessio et carte mee confirmacio rata et stabilis permaneat hanc cartam sigilli mei impressione roboravi Hiis testibus Roberto Hildeyerde Willelmo Penimere Roberto Herlowe Alano Penimere Ricardo de Hoo et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.