Robertus de Perendune omnibus hominibus et amicis suis et universis sancte Dei ecclesie fidelibus salutem Notum sit vobis quod ego consilio et concessu Anneis uxoris mee et Rogeri heredis mei dedi in perpetuam elemosinam Deo et sancto Iohanni Baptiste et beatis pauperibus sancti hospitalis Ierusalem illas terras que Willelmus et Baldewinus tenuerunt de me scilicet tres acras in Suthfeld[] et totam terram de essarar iuxta domum illorum videlicet ut septem acre sunt integre inter totum Pro hac autem elemosina concedenda dedit Thomas sacerdos quatuordecim solidos Roberto predicto et Anneis uxori sue duodecim denarios et Rogero filio suo unum vunet et hanc predictam elemosinam affidavit Robertus et Anneis uxor eius Quare volo ut predicti pauperes Christi Ierusalem et eorum tenentes habeant et teneant predictam terram in bene et in pace et honorifice libere quiete ab omnibus serviciis et consuetudinibus et causis et occasionibus secularibus que pertinent ad regem vel ad dominos meos vel ad me vel ad heredes meos pro salute nostra et omnium amicorum meorum vivorum atque mortuorum Thoma sacerdote Godefrido clerico Rogero de Witsand[] Roberto filio Ranu[lphi] Fulco Iun Roberto Franc[] Gilberto clerico Ricardo filio Hacun et Iun cognato eius et multis aliis testantibus hanc donacionem Valete

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.