Omnibus Christi fidelibus hoc scriptum visuris vel audituris Willelmus le Wyte filius Roberti le Wyte de Kediton[] salutem Noverit universitas vestra me omnino quietum clamasse totum ius et clamium quod habui vel habere potui in quodam mesuagio una cum domo desuper astante cum tota terra ad dictam domum pertinente iacente in parochia de Sturemere cum pertinentiis de feodo hospitalis priori sancti Iohannis Ierusalem et fratribus de Mapeltrestede ibidem commorantibus ita quod nec ego nec aliquis nomine meo in tota dicta terra una cum domo et cum omnibus aliis pertinentiis ad dictam terram spectantibus aliquod ius vel clamium de cetero exigere clamare vel vendicare poterimus In huius rei testimonium huic presenti scripto sigillum meum apposui Hiis testibus fratre Ricardo de Muncton[] fratre Willelmo Luvel domino Thoma capellano domino Willelmo capellano Waltero de Clare clerico Iohanne de Snaudon[] clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.