Sciant presentes et futuri quod ego Walterus filius Iohannis Trie de parva Wakeringe dedi et concessi et hac presenti carta mea confirmavi Stephano filio Walteri de la Ford[] pro homagio et servicio suo unam acram terre scilicet illam acram cum pertinentiis suis quam tenui de hospitalario sancti Iohannis sicut iacet in latitudine inter Longetotisdiche et terram quam Samson de la Hale quondam tenuit a boriali versus austrum et extendit in longo a terra que vocatur Longetotisfeld[] in capite super stratum que ducit ad ecclesiam de parva Wakeringe habendam et tenendam de me et heredibus [meis] sibi et heredibus suis vel quibuscumque dictam acram dare legare vel assignare voluerint et eorum heredibus reddendo inde per annum ille et heredes sui vel sui assignati hospitali sancti Iohannis die martis rogacionum in ecclesia de parva Wakeringe duodecim denarios et michi et heredibus quolibet anno ad Pascha unum quadrantem pro omnibus serviciis consuetudinibus sectis curie et omnibus aliis secularibus demandis Pro hac autem mea concessione donacione et huius carte mee confirmacione dedit michi predictus Stephanus quadraginta solidos sterlingorum pre manibus in gersumam Et ego predictus Walterus et heredes mei acquietabimus et defendemus predictam acram terre cum omnibus pertinentiis suis predicto Stephano et heredibus suis vel suis assignatis aut eorum heredum contra omnes homines et feminas per predictum homagium et servicium in perpetuum warantizabimus Et ut omnia ista prenominata et prescripta in se firmam et perpetuam stabilitatem habeant et sine fraude et falcitate in perpetuum permaneant huic scripto sigillum meum apposui Hiis testibus Iohanne de Hockele Luce de Abbington[] Iohanne de Thorp[] Rogero Grapenel[] Radulpho Willelmo Waltero le macun Andrea le portyr et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.