Omnibus sancte matris ecclesie filiis hoc presens scriptum visuris vel audituris Isabel de Forolte salutem in domino Noveritis me dedisse concessisse et presenti carta mea confirmasse et in perpetuum quietum clamasse pro me et heredibus meis fratri Terrico de Nussa priori hospitalis Ierusalem in Anglia et fratribus eiusdem domus in liberam puram et perpetuam elemosinam totum ius quod habui vel habere potui in tercia parte tocius pecie terre integre que iacet in campo qui appellatur Ryhenacer inter terram dicti hospitalis et terram que fuit quondam Galfridi Sturemi cuius unum capud abuttat super Edingacre versus occidentem que quidem tercia pars me contingebat racione dotis ita quod in premissis aliquid iuris nec ego nec aliquis nomine meo usque ad consumacionem seculi poterimus vendicare Que omnia ego et heredes mei dictis priori et fratribus de omnibus erga omnes integre cum omnibus suis pertinentiis warantizabimus acquietabimus et defendemus in perpetuum In cuius rei testimonium presenti scripto sigillum meum apposui et eidem contuli Hiis testibus domino Radulpho filio Willelmi domino Simone de Oddewell[] Willelmo filio Ricardi Ricardo Hurant Roberto Frances Roberto de Chelmesho Petro de Codeham capellano Waltero de Bellocampo clerico Willelmo de Bumsted[] Ricardo de Bellocampo clerico Waltero butillario Waltero pistore et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.