Sciant tam presentes quam futuri quod ego Simon de Roinges filius Roberti dedi et firmiter concessi pro salute anime mee et antecessorum et heredum meorum in perpetuam elemosinam libere et quietas absque omni servicio sancto Iohanni et beatis pauperibus sancte domus hospitalis Ierusalem duas acras terre de dominio meo in Roinges sancte Margarete preter buttos quos dedi eis pro masagio hec terra cum buttis iacet iuxta viam publicam que est inter ipsam et terram ecclesie cuius terre unum caput incipit ad dimidiam virgatam terre quam tenuit Bruning[] et extenditur iuxta predictam viam apud ecclesiam eiusdem ville Hac tamen convencione et conditione feci hoc quod Willelmus filius Mauricii patrui mei et [heredes] sui teneant eandem terram totam in feodo et hereditate pro 6 denariis singulis annis reddendis pro omni servicio sancto Iohanni et beatis pauperibus sancte domus hospitalis Ierusalem Pro ista donacione et confirmacione prefatus Willelmus capellanus dedit michi 20 solidos sterlingorum in caritate Testibus Ricardo decano de Canevelles Luca sacerdote Simone capellano clericis de Uppet[on] magistro Roberto de Bery

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.