Notum sit omnibus sancte matris ecclesie filiis quod ego Iohannes de Bernes dedi et concessi et hac carta mea confirmavi Deo et beate Marie et sancto Iohanni Baptiste et beatis pauperibus hospitalis Ierusalem quatuor nummatas redditus in villa de Nastoke in liberam et puram et perpetuam elemosinam pro anima patris mei et matris mee et omnium antecessorum meorum et salute mea et uxoris mee et puerorum meorum et omnium amicorum meorum vivorum et mortuorum ex hiis autem quatuor denariis duo denarii reddentur in die sancti Thome apostoli per manum Stephani bussel vel heredum suorum de quodam prato quod Iohannes Berners tenuit de Waltero filio Terri et duo denarii per manum Edithe quondam uxoris Godwini le stier vel heredum suorum de quadam terre quam predictus Iohannes tenuit de Iohanne filio Wig[] Et quia volo quod hec elemosina firma sit et stabilis in perpetuum presentem cartam sigilli mei munimine roborari dignum duxi Hiis testibus Ailmero capellano Ricardo filio Ade Waltero filio Petri Nicholao de Hoo Thoma filio Ade Reginaldo clerico Willelmo clerico de Samford[] et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.