Hec est finalis concordia facta in curia domini regis apud Chelm[er]eford a die sancti Martini in tres septimanas anno regni regis Henrici filii regis Iohannis tricesimo nono coram Willelmo abbate sancti Iohannis Colcestr[ie] Gilberto de Preston Rogero de Wycestr et Willelmo le Breton iusticiariis itinerantibus et aliis domini regis fidelibus tunc ibi presentibus inter Willelmum le Enveyse querentem et Willelmum filium Gervasii deforciantem de octo solidis et duobus denariis qui ei aretro fuerunt de annuo redditu quatuordecim denariorum et unde placitum fuit inter eos in eadem curia scilicet quod predictus Willelmus filius Gervasii recepit et concessit pro se et heredibus suis quod ipsi de cetero reddent singulis annis predicto Willelmo le Enveyse et heredibus suis quatuordecim denarios ad duos terminos scilicet medietatem ad Pascha et alteram medietatem ad festum sancti Michaelis in perpetuum et pro hac recti concessione fine et concordia idem Willelmus le Enveyse remisit et quietum clamavit de se [et] heredibus suis predicto Willelmo filio Gervasii et heredibus suis omnia arreragia et dampna que dicebat se habuisse occasione detencionis predicti redditus usque ad diem quo hec concordia facta fuit

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.