Sciant presentes et futuri quod ego Thomas atte Park de Gestyngthorp dedi concessi et hac presenti carta mea confirmavi domino Iohanni Styward perpetuo vicario ecclesie de Halsted et Iohanne de Ass unam croftam terre una cum quadam pecia prati adiacente cum libero introitu et exitu et omnibus aliis pertinentiis suis et prout includitur sepibus et fossatis iacentem in villa de Hengham ad Castrum inter terram custumariam domini comitis Oxon[ie] ex parte una et terram domini Iohannis Dyn militis et Hugonis de Shoremed ex altera unde unum capud abuttat super terram custumariam dicti domini comitis Oxon[ie] et aliud capud super terram dicti domini comitis que quidem terra et pratum vocatur Caperouneslond habend et tenend totam predictam croftam terre et predictam peciam prati cum libero introitu et exitu et omnibus aliis pertinentiis suis predictis Iohanni et Iohanni heredibus et assignatis suis de capitalibus dominis fiodi illius per servicia inde de iure debita et consueta Et ego predictus Thomas et heredes mei totam predictam croftam terre et predictam peciam prati cum libero introitu et exitu et omnibus aliis pertinentiis suis prefatis Iohanni Styward et Iohanni Ass et heredibus et assignatis suis contra omnes gentes warantizabimus in perpetuum In cuius rei testimonium huic presenti carte sigillum meum apposui Hiis testibus Thoma Chelmesho Waltero Baron Roberto atte Park Iohanne Redyngge Iohanne smyth et aliis Datum apud Hengham Castrum die sabbati proxima post festum sancti Edwardi regis et martiris anno regni regis Edwardi tercii post conquestum Anglie tricesimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.