Sciant presentes et futuri quod ego Katerina de Panymere de parva Mapeltrestede dedi concessi et hac presenti carta mea confirmavi Henrico Toterych et Thome Portwey unum mesuagium cum domibus superedificatis et una crofta eidem mesuagio adiacente sicut sepibus et fossatis includitur et iacet in Mapeltrestede parva inter terras prioris hospitalis sancti Iohannis Ierusalem in Anglia ex una parte et terram Willelmi Shorthose ex altera parte uno capite abuttante super regalem viam se extendente de ecclesia de Pebenerssh usque ecclesiam de parva Mapeltrestede dedi eciam et concessi predictis Henrico et Thome unum cotagium in Mapeltrestede predicta et iacet inter terras Willelmi Shorthose et Walteri Panymere uno capite abuttante super regalem viam se extendente de ecclesia de Pebenerssh usque ecclesiam de Mapeltrestede parva habend et tenend totum mesuagium predictum cum crofta eidem mesuagio adiacente sicut sepibus et fossatis includitur et cotagium predictum cum suis pertinentiis predictis Henrico et Thome et eorum heredibus et assignatis de capitalibus dominis feodi illius per servicia inde debita et consueta libere quiete integre bene et in pace Et ego predicta Katerina et heredes mei totum mesuagium predictum cum crofta eidem mesuagio adiacente sicut sepibus et fossatis includitur et cotagium predictum cum suis pertinentiis predictis Henrico et Thome et eorum heredibus seu assignatis contra omnes gentes warantizabimus in perpetuum In cuius rei testimonium huic presenti carta sigillum meum apposui Hiis testibus Iohanne Morell Waltero Panymere Thoma Hereward Roberto Colyn Iohanne Ward Willelmo Shorthose et aliis Datum apud Mapeltrestede parvam die martis in festo invencionis sancte crucis anno regni regis Edwardi tercii post conquestum tricesimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.