Sciant presentes et futuri quod ego Andreas de Heliun dedi et concessi et hac presenti carta mea confirmavi Willelmo filio Radulphi pro homagio et servicio suo totam terram quam Iohannes de la Lande tenuit de feodo meo in villa de Bumsted[] scilicet totam terram que iacet inter gravam quam idem Willelmus tenet de hospitalariis de Mapeltrestede et terram quam idem Willelmus tenet de me in campo qui vocatur Stokewell[] et dimidiam acram prati in Holemedewe que ad predictam terram pertinet et unam acram prati in Holemedewe proxime iuxta dimidiam acram prati quam Willelmus de Heliun tenuit versus occidentem cum omnibus suis pertinentiis in pasturis et viis et exitibus et haiis et in omnibus aliis rebus habendam et tenendam de me et heredibus meis sibi vel cuicumque eam voluerit dare vel legare vel aliter assignare in religionem vel extra religionem libere et quiete et integre et in pace iure hereditario reddendo inde michi vel heredibus meis duos denarios ad duos terminos anni scilicet ad Pascha unum denarium et ad festum sancti Michaelis unum denarium pro omni servicio et consuetudine et exaccione et demanda salvo servicio domini regis scilicet cum scutagium advenerit sive plus sive minus unum denarium Et ego Andreas et heredes mei warantizabimus totam predictam terram cum pertinentiis prenominato Willelmo filio Radulphi vel cui eam assignaverit per prefatum servicium contra homines omnes et feminas Hiis testibus Roberto filio Radulphi Hamone de Watevill[] Ricardo Maudit Simone de Cantelu Galfrido filio Radulphi Alano de Crepynge Rogero filio Bernardi Gilberto de Baillul[] Willelmo Bruno Michaele filio Iocii et multis aliis.

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.