Reverendo patri et domino Ricardo Dei gratia Sarum episcopo prior et conventus Radinge salutem cum omni subjectione et reverentia Vacante abbatia Radinge per decessum bonae memoriae s[imonis] quondam abbatis nostri petita prout decuit a domino rege et concessa nobis liberaliter licentia eligendi abbatem Nos pater reverende ne diutius nobis deesset cura pastoralis sacri concilii vestigiis inhaerentes examinatis singulorum fratrum votis secundum formam ejusdem concilii fratrem A de Latebire de gremio ecclesiae nostrae monachum a majori et saniori parte capituli nostri electum in abbatem suscepimus in pastorem virum ut credimus tanto sufficientem oneri et tali honore non indignum Cujus electioni prout mos est unanimiter consensimus et subscripsimus Praesentamus ergo ipsum prout justum est vestrae paternitati supplicantes humiliter ac devote quatinus examinata pro officii vestri debito ipsius electione eidem munus confirmationis et benedictionis liberaliter impendere dignemini Et ad majus electionis nostrae robur firmitatis Ego Radulfus prior subscripsi ego Thomas praecentor consensi ego Thomas sub prior subscripsi ego Willelmus Hosatus con sensi ego Nicholas de la Rugge subscripsi ego Radulfus sacrista consensi ego Andreas custos operum subscripsi Valeat paternitas vestra in Domino

Source Fulltext: Charters and Documents Illustrating the Cathedral, City and Diocese of Salisbury. Dunn McCray. Rerum Britannicarum Medii Aevi Scriptores, 97. H.M.S.O. Eyre and Spottiswoode. London. 1891.