Omnibus sancte matris ecclesie filiis hac cartam visuris vel audituris Matildis de Watevill[] quondam uxor Willelmi de Watevill[] salutem Noverit universitas vestra me divine pietatis intuitu consilio voluntate et assensu Hamonis filii mei dedisse concessisse et hac presenti carta mea confirmasse Deo et beate Marie et sancto Iohanni Baptiste et beatis pauperibus sancti hospitalis Ierusalem quindecim acras terre arabilis cum pertinentiis suis in villa de Bumsted[] de feodo Andree de Heliun que iacent infra terram hospitalis quam Willelmus filius Radulphi dedit predicto hospitali cum corpore suo habendas et tenendas de me et heredibus meis libere et quiete integre honorifice reddendo inde annuatim michi et heredibus meis quinque solidos infra octavum sancti Andree apostoli pro omnibus serviciis consuetudinibus et demandis Hanc vero donacionem feci predicto hospitali in liberam puram et perpetuam elemosinam pro salute mea et heredum meorum et pro animabus omnium parentum et amicorum meorum vivorum et mortuorum ut mereamur participes fieri de omnibus bonis que facta sunt et que inposterum fient in sancta domo predicta Ego vero Matildis et heredes mei warantizabimus predictis fratribus hospitalis Ierusalem predictam terram cum pertinentiis suis contra omnes gentes Hiis testibus Willelmo de Lacre Iohanne filio Lamberti Willelmo filio Alani Galfrido Tempernoyse Galfrido novo homine Alano filio Galfridi Ricardo le Utlaghe Willelmo de Heliun Gilberto de Heliun Willelmo filio Derkini et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.