Sciant omnes gentes quod ego Alina filia Galfridi filii Baldewini post obitum Hugonis sponsi mei de Clahull[] in mea viduetate et in mea libera potestate dedi et concessi et hac etc Iohanni filio Petri pro homagio et servicio [suo] Henricum filium Ricardi Brond[] et Galfridum fratrem suum cum tota sequela que de eis egredietur et cum toto tenemento quod pater eorum tenuit de me in villa de Samford[] scilicet 3 ferlingatos terre cum suis pertinentiis habendos et tenendos eidem Iohanni et heredibus suis vel cuicumque terram illam dare voluerit vel assignare vel delegare et eorum heredibus in feodo et hereditate libere et quiete honorifice et plene etc Et ego Alina et heredes mei debemus warantizare predictos Henricum et Galfridum fratrum suum cum tota sequela que de illis egredietur et cum toto tenemento prenominato Iohanni et heredibus suis vel suis assignatis et eorum heredibus contra omnes gentes in perpetuum Et in huius rei testimonium presentem cartam sigilli mei munimine roboravi Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.