Omnibus sancte matris ecclesie filiis presens scriptum visuris vel audituris Cassandria filia Roberti del Ydle salutem in Domino Noverit universitas vestra me dedisse concessisse quietas clamasse et hac presenti carta mea confirmasse Deo et beate Marie et beato Iohanni Baptiste et priori et fratribus hospitalis Ierusalem in Anglia pro salute anime mee et antecessorum meorum in perpetuam elemosinam tres rodas terre arabilis cum omnibus suis pertinentiis in parochia de Bumstede Helyun iacentes in longitudine inter terram Randulphi de Stantune et terram Willelmi Langhals quam tenet de me et unam acram prati cum omnibus suis pertinentiis in eadem ville que iacet ad capud dicte terre extransverso unde unum capud abuttat super pratum Roberti Helyun et aliud super pratum Willelmi Levenod[] habendas et tenendas predictis priori et fratribus libere quiete bene et in pace integre imperpetuum faciendo inde annuatim pro me et heredibus meis capitalibus dominis feodi quatuor denarios et obolum pro omnibus serviciis consuetudinibus cuiuslibet curie sectis et demandis Et ego predicta Cassandria et heredes mei warantizabimus acquietabimus et defendemus predictas tres rodas terre cum pertinentiis suis et predictam acram prati cum suis pertinentiis predictis priori et fratribus hospitalis Ierusalem imperpetuum pro predictis quatuor denariis et obolo quos predicti prior et fratres pro me et heredibus meis capitalibus dominis feodi debent solvere per annum In huius rei testimonium huic presenti carte sigillum meum apposui Hiis testibus domino Henrico de Bellocampo Petro filio Bernardi magistro Mauricio fratre eius Petro de Reindon[] Roberto de Helyun Alano le draper Launcelino filio Radulphi Galfrido de Olmestede Ricardo fratre eius et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.