Omnibus sancte matris ecclesie filiis presens scriptum visuris vel audituris Alicia del Ydle salutem in Domino Noverit universitas vestra me ligia potestate mea et propria voluntate mea concessisse et in toto quietum clamasse et remisisse Deo et beate Marie et beato Iohanni Baptiste et priori et fratribus hospitalis Ierusalem in Anglia totum ius et clameum quod habui vel habere potui in tribus rodis terre arabilis cum suis pertinentiis in parochia de Bumstede Helyun de feodo dicti prioris et fratrum iacentibus in longitudine inter terram Randulphi de Stantune et terram Willelmi Langhals quam tene[n]t de Cassandria filia mea et in una acra prati cum omnibus suis pertinentiis in eadem villa iacente ad capud dicte terre ex transverso unde unum capud abuttat super pratum Roberti Helyun et aliud super pratum Willelmi Levenod[] ita quod ego nec heredes mei aliquod ius vel clameum in predictis tribus rodis terre cum suis pertinentiis nec in predicta acra prati cum suis pertinentiis de cetero possumus habere vel exigere In cuius rei testimonium huic presenti scripto sigillum meum apposui Hiis testibus domino Henrico de Bellocampo Petro filio Bernardi magistro [Mauricio] fratre eius Petro de Reindon[] Roberto de Helyun Alano le draper Launcelino filio Radulphi Galfrido de Olmestede Ricardo fratre eius et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.