Sciant presentes et futuri quod ego Hugo filius Roberti dedi concessi et hac presenti carta mea confirmavi Godwyno Cumpaynun pro homagio suo et servicio et pro decem solidis argenti quos michi dedit in gersummam totam illam acram cum pertinentiis sine aliqua diminucione que iacet inter cruftam Roberti Ludy et terram Alicie de Insula unde unum capud abuttat super pratum magistri Mauricii filii Rogeri et aliud capud abuttat super terram Randulphi de Staunton[] habendam et tenendam de me et de heredibus meis sive assignatis meis sibi et heredibus suis sive assignatis suis et cuicumque vel quibus totam dictam terram cum pertinentiis dare vendere legare vel aliquo modo assignare voluerit et quandocumque libere quiete integre honorifice iure hereditarie bene et in pace reddendo inde annuatim michi et heredibus meis vel assignatis meis ille et heredes sui vel assignati sui duos denarios ad duos anni terminos videlicet ad festum sancti Michaelis unum denarium et ad Pascha unum denarium pro omnibus serviciis consuetudinibus exactionibus sectis curie et aliis secularibus demandis Et ego predictus Hugo et heredes mei vel assignati mei warantizabimus et acquietabimus et defendemus totam dictam terram cum pertinentiis predicto Godwyno et heredibus suis sive assignatis suis per predictum servicium sicut prenominatum est contra omnes homines et feminas imperpetuum In huius rei testimonium presenti scripto sigillum meum apposui Hiis testibus domino Andrea de Helyun Petro et Mauricio filiis Rogeri Petro de Reyndune Roberto de Helyun Launcelino de Pyro Rogero filio Roberti de Pyro Willelmo Levenoth[] Michaele clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.