Sciant presentes et futuri quod ego Alanus filius Galfridi novi hominis de Hamstede consilio et assensu Isabelle uxoris mei dedi et concessi et hac mea carta confirmavi Deo et beate Marie et sancto Iohanni Baptiste et beatis pauperibus sancte domus hospitalis Ierusalem et eiusdem domus fratribus totum homagium et relevium cum omnibus aliis michi et heredibus meis inde spectantibus quod Simon de Bobbelawe et heredes sui michi debuerunt de illis tribus acris terre cum pertinentiis de feodo hospitalis que iacent in parochia de magna Bumstede inter terram Hawisie Sedcoll[] et terram Simonis Peckechese et abuttant versus meridiem super magnum cheminum et quatuor denarios redditus de illis quatuordecim denariis quos dictus Simon et heredes sui michi et heredibus meis annuatim reddere consueverunt ad quatuor anni terminos de feodo domini Willelmi de Watevile in villa de Hamstede recepturum annuatim ad duos terminos per manum dicti Simonis et heredum suorum scilicet ad Pascha duos denarios et ad festum sancti Michaelis duos denarios habenda et tenenda in liberam puram et perpetuam elemosinam sicut aliqua elemosina liberius et quiescius dari potest domui religionis pro salute anime mee et uxoris mee et animabus patrum et matrum nostrorum Et ego predictus Alanus et heredes mei warantizabimus totam predictam donacionem cum omnibus suis pertinentiis sicut predictum est predicte domui hospitalis Ierusalem et eiusdem domus fratribus contra omnes homines et feminas imperpetuum Hiis testibus Hugone de Samford[] Gilberto le moyne Willelmo filio Derekini Rogero filio Bernardi Rogero de Bayloll[] Radulpho de Yxewrtle Roberto de Helyun Launcelino filio Radulphi Willelmo filio Rogeri Galfrido Tempernoyse Andrea filio Roberti Stephano clerico et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.