Sciant presentes etc quod ego Henricus de Kemesek[] dedi et concessi et hac presenti carta mea confirmavi Iohanni filio Petri de Samford[] pro homagio et servicio suo totam illam terram cum pertinentiis suis de essarto meo de Westwode in villa de Samford[] que iacet inter essartum domini Willelmi de Lake de Laleshah[] et terram Willelmi de Buslye et totam terram cum omnibus pertinentiis suis quam Petrus de Fordham tenuit de me in eadem villa et unum cheminum de latitudine duarum percarum quod se extendit a domo predicti Iohannis usque ad domum Willelmi filii David tenenda et habenda in feodo ipsi Iohannis et heredibus suis vel quibuscumque illam dare vel assignare vendere vel legare voluerit preter religionem de me et de heredibus meis libere quiete bene et in pace et ad defendendum pro una virgata terre per 10 s inde annuatim michi et heredibus meis solvendos ad quatuor terminos anni videlicet ad festum sancti Michaelis 2 s 6 d et ad Natale Domini 2 s 6 d et ad Pasche 2 s 6 d et ad natale sancti Iohannis Baptiste 2 s 6 d pro omnibus serviciis consuetudinibus et demandis ad me vel [ad] heredes meos pertinentibus et ad scutagium domini regis ad plus vel ad minus 4 d Et ego Henricus de Kemesek[] et heredes mei warantizabimus totam prenominatam terram et cheminum cum omnibus pertinentiis suis predicto Iohanni et heredibus suis vel quibuscumque illam dare vel assignare legare vel vendere voluerit preter religionem contra omnes gentes per predictum servicium imperpetuum Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.