Sciant presentes et futuri quod ego Walterus filius David dedi concessi et hac presenti carta mea confirmavi Willelmo filio Radulphi pro homagio et servicio suo sexdecim acras terre in villa de Bumstede de feodo hospitali et extendunt de prato de Holmedue et duas partes prati mei de Holmedue tenendas et habendas de me et heredibus [meis] illi et heredibus suis vel cuicumque dare vel assignare voluerit cum omnibus pertinentiis libere et quiete bene et in pace integre hereditarie reddendo inde annuatim quinque solidos ad duos terminos ad festum sancti Michaelis triginta denarios et ad Pascha triginta denarios pro omnibus serviciis et exaccionibus et consuetudinibus que super terram pertinent Pro hac autem donacione et carte huius confirmacione dedit michi predictus Willelmus filius Radulphi viginti solidos ad gersummam Ego Walterus filius David et heredes mei debemus warantizare terram prenominatam predicto Willelmo et heredibus suis vel cuicumque dare vel assignare voluerit contra omnes homines et omnes feminas Hiis testibus Willelmo de Helyun Philippo de Bellocampo Roberto filio Radulphi Rogero filio Bernardi Rogero Utlae Willelmo de Helyun Willelmo de Hoo Galfrido Tempernoyse Iohanne clerico et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.