Hec est convencio facta inter Adam de Berdefeld[] et Legardam uxorem eius et Willelmum filium Radulphi scilicet quod predictus Adam et uxor eius dimiserunt predicto Willelmo totum pratum suum de Brademad[] reddendo annuatim octodecim denarios pro omni servicio et demandis scilicet ad duos terminos novem denarios ad festum sancti Michaelis et novem denarios ad Pascha a primo et proximo festo sancti Michaelis postquam luna currit pro septem usque in duodecim annos continuos pro quinque solidis quos predictus Willelmus dedit predicto Ade premanu et pro 12 denariis quos idem Willelmus dedit predicte uxori Ade Et in fine duodecim annorum predictus Adam et uxor eius vel heredes sui totum illud pratum quietum recipient Hanc convencionem sine dolo et ingenio tenendam utrumque affidaverunt Et predicti Adam et uxor eius Legardia et heredes sui warantizabunt hoc prenominatum pratum predicto Willelmo vel cui assignare voluerit usque ad predictum terminum Hiis testibus Radulpho capellano Roberto filio Radulphi Mauricio de Holmestede Willelmo filio Wimarc[] Gilberto de Helyun Willelmo filio Gregorii Ricardo filio Bernaldi et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.