Noverint universi sancte matris ecclesie filii tam presentes quam futuri quod ego Petrus de Badua marescaldus dedi et concessi et presenti carta confirmavi Deo et beate Marie et sancto Iohanni Baptiste et beatis pauperibus hospitalis Ierusalem et fratribus eiusdem domus terram de Badua quam Wygod[] tenuit pro quindecim acris et in augmentum beneficii terram que est infra stagnum molendini et predictam terram Wigod[] in puram et perpetuam elemosinam liberam solutam et quietam ab omni servicio et exaccione et consuetudine seculari sicut aliqua elemosina melius vel liberius dari potest Hanc concessionem feci eis pro salute domini regis Anglie et mea et uxoris mei et puerorum nostrorum et omnium amicorum nostrorum tam vivorum quam defunctorum ut omnium bonorum que in venerabili domo hospitalis Ierusalem fiunt participium mereamur Hiis testibus Silvestro de Badua decano Waltero canonico Serlone capellanis hospitalis Edmundo Peverell[] Gilberto Iuvene Reinaldo Grapeinell[] Hugone filio Iocelini Willelmo filio Hamelin[i] Gilberto filio Geraldi Petro Portall[] Roberto armigero Waltero de Hull[] clerico magistri qui hanc cartam scripsit

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.