Sciant presentes et futuri quod ego Alicia de Barham filia Iohannis de Corn[er]dde concessi et dedi et hac presenti carta mea confirmavi in viduitate et legitima potestate mea Simoni de Odeuuelle et Margerie uxori sue pro homagiis et serviciis suis et pro octo marcis argenti quas michi dederunt in gersummam quatuordecim solidatus redditus quos Alexander filius Ricardi de Suber[] michi tenebatur de dimidietate tocius tenementi quod Ricardus pater suus tenuit de me in villa Sub[er]ie et Corn[er]ddie cum omnibus homagiis et releviis et escaetis cum omnibus dominiis que possunt contingi de eodem feodo sine ullo retenemento tenendos et habendos de me et heredibus meis illis et heredibus eorum vel eorum assignatis et eorum heredibus cui vel quibus dare vel assignare voluerint imperpetuum libere quiete bene et in pace reddendo inde annuatim michi et heredibus meis duodecim denarios ad duos terminos scilicet ad Pascha sex denarios et ad festum sancti Michaelis sex denarios pro omnibus serviciis et consuetudinibus et demandis Et ego Alicia et heredes mei warantizabimus predictis Simoni et Margerie uxori sue et heredibus eorum vel assignatis predictos quatuordecim solidatus redditus cum omnibus homagiis et releviis et escaetis et cum omnibus dominiis de predicto tenemento contingentibus per predictum liberum servicium contra omnes gentes Hiis testibus Radulpho de Ponte Willelmo Guuiz Waltero clerico Michaele filio suo Roberto Rydell[] Warino clerico Willelmo de Venella Willelmo de Lyketune Gilberto Aldred[] Waltero fratre suo Willelmo de Ponte et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.