Sciant presentes et futuri quod ego Hubertus filius Roberti ad Gardinum de Bolemere concessi et dedi et hac mea carta confirmavi Deo et beate Marie et sancto Iohanni Baptiste et beatis pauperibus sancte domus hospitalis Ierusalem et eiusdem domus fratribus pro salute anime mee et omnium antecessorum et successorum meorum vivorum et mortuorum tres obolos annui redditus quos Willelmus frater meus et heredes sui solvent annuatim predicte domui ad nativitatem beati Iohannis Baptiste de mesuagio illo quod idem Willelmus tenet in parochia de Bolemere in crufta illa que vocatur Samarespythell[] iuxta vicum qui vocatur Torstrate ita tamen quod in obitu predicti Willelmi et omnium heredum suorum tercia pars catallorum que super eundem feodum fuerint domui predicte quieta remaneat tenendum et habendum predictum redditum predicte domui et eiusdem domus fratribus in liberam et perpetuam elemosinam sicut aliqua elemosina liberius et quiecius dari potest domui religionis et ego predictus Hubertus et heredes mei warantizabimus predictum redditum predicte domui et eiusdem domus fratribus contra omnes gentes Hiis testibus domino Hugone de Lasandre Willelmo Gouiz Ada filio Warini Gilberto de Cruce Ricardo del Hegg[] Roberto de Marisco Ricardo filio Hugonis et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.