Sciant presentes et futuri quod ego Willelmus filius Iohannis de Norton clericus dedi concessi et hac presenti carta mea confirmavi Iohanni filio meo unum mesuagium cum curtilagio cum pertinentiis in Norton una cum crofto quod vocatur le Sahuterudyng que habui ex dono et feoffamento Rogeri molendinarii de Norton habend et tenend predicto Iohanni et heredibus suis de corpore suo legitime procreatis libere quiete bene et in pace de capitalibus dominis feodi illius per servicia inde debita et consueta Et si contingat dictum Iohannem sine herede de corpore suo legitime procreato decedere volo et concedo quod predicta tenementa remaneant Willelmo fratri dicti Iohannis et heredibus suis imperpetuum Et ego vero dictus Willelmus et heredes mei omnia predicta tenementa cum eorum pertinentiis ut predictum est predictis Iohanni et Willelmo in forma suprascripta warantizabimus acquietabimus et imperpetuum defendemus In cuius rei testimonium huic presenti carte mee sigillum meum apposui Hiis testibus Ricardo Salewey Reginaldo Aldith Iohanne filio Iohannis Reynold Willelmo Osberne Iohanne de Wytton et aliis Datum apud Norton die sabbati in vigilia nativitatis beate Marie virginis anno domini millesimo tricentesimo vicesimo sexto et regni regis Edwardi filii regis Edwardi decimo nono

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.