Sciant presentes et futuri quod ego Walterus filius Gilberti de Halstede concessi dedi et hac mea carta confirmavi Iohanni filio Rogeri de Solio pro homagio et servicio suo et pro viginti solidis quos ipse michi dedit in gersummam unam placeam terre in villa de Halstede in crofto meo quod vocatur Ordmecroft iuxta regium cheminum et continet in se quinquaginta duos pedes longitudinis et quadraginta pedes latitudinis tenendam et habendam de me et heredibus meis predicto Iohanni et heredibus suis de Iuliana uxore sua filia Gerardi de Prato exeuntibus bene et in pace libere et quiete plenarie et hereditarie reddendo inde annuatim michi et heredibus meis octo denarios scilicet ad Pascha quatuor denarios et ad festum sancti Michaelis quatuor denarios et ad scutagium viginti solidorum cum evenerit unum obolum et ad plus plus et ad minus minus pro omnibus serviciis consuetudinibus et demandis Et ego predictus Walterus et heredes mei warantizabimus predictam placeam terre predicto Iohanni et heredibus suis de predicta Iuliana exeuntibus sicut predictum est contra omnes gentes Hiis testibus Petro filio Ricardi Thoma de la Avidwode Rogero clerico Willelmo de Efford[] Gilberto aurifabro Roberto filio suo Willelmo filio Thome Iohanne del Hill[] Rogero Goldyng[] Rogero Goce et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.