Omnibus sancte matris ecclesie filiis ad quos presens scriptum pervenerit Ricardus filius Gilberti de Halstede salutem in Domino Noveritis me pro salute anime mee et antecessorum et successorum meorum vivorum et mortuorum dedisse concessisse et hac mea presenti carta confirmasse Deo et beate Marie et sancto Iohanni Baptiste et beatis pauperibus sancte domus hospitalis Ierusalem et eiusdem domus fratribus quandam partem mesuagii Walteri fratris mei cum domibus desuper edificatis propinquiorem terre Roberti le larur que continet in se septemdecim perticas longitudine inter regium cheminum et campum de Hayyorn[] et in latitudine quinque perticas cum pertinentiis tenendam et habendam in puram et perpetuam elemosinam sicut aliqua elemosina liberius et quiecius dari potest alicui domui religionis Et ego predictus Ricardus filius Gilberti et heredes mei warantizabimus predictam partem mesuagii cum pertinentiis suis predicte sancte domui hospitalis et eiusdem domus fratribus contra omnes gentes Hiis testibus Andrea filio Willelmi Michaele Crawe Ricardo Huraund Willelmo filio eius Albrico filio Petri Iohanne filio Willelmi Rogero filio Roberti Olivero Gernun Gilberto aurifabro Roberto filio suo et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.