Sciant presentes et futuri quod ego Walterus de la Hoo de Halstede dedi et concessi et hac presenti carta mea confirmavi pro salute anime mee et antecessorum meorum Deo et beate Marie et sancto Iohanni Baptiste et beatis pauperibus sancti hospitalis Ierusalem et fratribus eiusdem domus totam illam terram redditum et homagium quam Ricardus Sparke de me tenuit in parochia de Halstede que iacet iuxta cheminum quod extendit a Pebeners usque ad Halstede unde unum capud abuttat super campum qui vocatur Hamstalfeld[] habenda et tenenda in liberam puram et perpetuam elemosinam sicut aliqua elemosina liberius et quiecius dari potest domui religionis Et ego Walterus et heredes mei warantizabimus totam predictam terram cum pertinentiis sicut predictum est predicte domui et fratribus contra omnes homines et feminas Hiis testibus domino Ingelero de Cantelo Petro filio Ricardi Albrico filio Petri Ricardo filio Gilberti Gilberto aurifabro Willelmo Ioye Rogero de Bosevile Iohanne filio Willelmi Roberto le Fraunceys Iohanne Blauncpayn[] Waltero pincerna Willelmo de Bumstede clerico et multis aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.