Sciant presentes et futuri quod ego Otho filius Willelmi concessi dedi et hac presenti carta mea confirmavi Deo et beate Marie et sancto Iohanni Baptiste et beatis pauperibus sancte domus hospitalis Ierusalem et fratribus eiusdem domus de Mapeltrestede commorantibus et ibidem Deo servientibus totam terram quam habui in Gestingthorpe in campo qui vocatur Bradecroft et in campo qui vocatur Martinescroft sine omni retenemento et totum cheminum qui vocatur le Holestrete cum omnibus pertinentiis suis et unam peciam terre mee vocatam Charleye cum pertinentiis suis et totum cheminum vocatum Charleystrete se tendens de mesuagio Reginaldi [de] Noreis de Gestingthorpe usque ad Mapeltrestede parvam in liberam et puram et perpetuam elemosinam solutam et quietam ab omni servicio et exaccione seculari sicut aliqua elemosina liberius et quiecius dari potest domui religionis Hanc autem elemosinam feci ego Otho pro salute anime mee et patris mei et matris mee et omnium amicorum meorum vivorum et mortuorum ut participes simus omnium bonorum que fiunt in sancta domo hospitalis Ierusalem Et ego predictus Otho et heredes mei warantizabimus totas predictas pecias terre cum predictis cheminis cum omnibus pertinentiis suis fratribus predicte domus et eorum assignatis contra omnes gentes imperpetuum defendemus In cuius [rei] testimonium huic presenti carte sigillum meum apposui Hiis testibus Ingelero de Cantelupo Galfrido Gernun Hugone de Lasandre Gilberto de Oddewelle Galfrido de Halreford[] Hugone le Waleys Willelmo Prudhumme Waltero de Poley et aliis multis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.