Sciant presentes et futuri quod ego Ricardus de Othelesho de Gestingthorpe dedi concessi et hac presenti carta mea confirmavi domino Roberto de Leffeldewelle vicario de Gestingthorpe predicta unum mesuagium cum gardino et una pecia terre adiacentis cum omnibus pertinentiis sicut sepibus et fossatis includuntur iacentem in eadem villa inter terram predicti Ricardi ex parte una et regale cheminum ducens de Halstede versus Clare ex parte altera unde unum capud abuttat super terram predicti Ricardi et aliud capud super viam tendentem de Othelesho crouch versus Suber[iam] preterea concessi [et] dedi eidem domino Roberto tres pecias prati cum pertinentiis divisim iacentes in villa prenominata quarum una pecia iacet inter terram manerii de Wicham sancti Pauli ex parte una et boscum predicti Ricardi ex parte altera et unum capud abuttat super pratum predicti Ricardi et aliud super terram predicti manerii de Wicham et super pasturam predicti Ricardi et alia pecia cum pertinentiis iacet in prato vocato Watelesford inter pasturam predicti Ricardi ex parte una et terram predicti manerii ex parte altera unde unum capud abuttat super pratum Ricardi de Chelmesho ex parte una et aliud capud super viam tendentem de Othelesho crouch versus Suber[iam] ex parte altera et alia pecia cum pertinentiis iacet in prato vocato le Fordemedwe inter terram Iohannis Sewale ex parte una et pratum Ricardi de Chelmesho ex parte altera unde unum capud abuttat super terram predicti Ricardi de Chelmesho et aliud capud super pratum vocatum le Fordemedwe habend et tenend predictum mesuagium cum gardino et cum predicta pecia terre adiacente et predictas tres pecias prati cum omnibus eorum pertinentiis ut prefixum est predicto domino Roberto heredibus et assignatis suis de capitalibus dominis feodi per servicia inde debita et de iure consueta Et ego predictus Ricardus et heredes mei predictum mesuagium cum gardino et tota predicta terra adiacente et predictas tres pecias prati cum omnibus eorum pertinentiis prefato domino Roberto heredibus et assignatis suis contra omnes gentes warantizabimus imperpetuum In cuius rei testimonium huic presenti carte sigillum meum apposui Hiis testibus Iohanne fermer Edmundo boteler Ricardo de Chelmeshoo Thoma atte Park Thoma warde et aliis Datum apud Gestingthorpe die dominica proxima ante festum sancti Petri ad vincula anno regni regis Edwardi tercii a conquestu octavo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.