Pateat universis per presentes quod ego Ricardus Othelesho de Gestingthorpe remisi et omnino pro me et heredibus meis quietum clamavi domino Roberto vicario ecclesie de Gestingthorpe predicta totum ius et clameum quod habui habeo seu aliquo modo habere potui vel potero in uno mesuagio cum quadam pecia terre adiacentis simul cum gardino et omnibus aliis suis pertinentiis prout sepibus et fossatis includuntur una cum tribus peciis prati divisim iacentibus in villa prenominata prout in quadam carta feoffamenti inde confecta plenius continetur ita videlicet quod nec ego predictus Ricardus nec heredes mei nec aliquis per nos seu nomine nostro in predicto mesuagio cum predicta terra adiacente nec in predictis tribus peciis prati cum pertinentiis aliquod ius vel clameum de cetero exigere vel vendicare poterimus in futuro In cuius rei testimonium huic presenti carte sigillum meum apposui Datum apud Gestingthorpe die exaltacionis sancte crucis anno regni regis Edwardi tercii a conquestu octavo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.