Noverint universi quod ego Robertus Perpund capellanus relaxavi remisi et omnino pro me et heredibus meis imperpetuum quietum clamavi Ricardo de Othelesho de Gestingthorpe et Agneti uxori sue et eorum heredibus totum ius meum et clameum quod habeo vel habui vel aliquo modo habere potui in unam pasturam cum suis pertinentiis iacentem in Fordemedwe in Gestingthorpe que pertinet tenemento quondam Thome ate Perie de eadem quam quidem pasturam dicti Ricardus et Agnes tenent ex dimissione Petri fratris mei et Elizabeth uxoris sue per cartam feoffamenti inde eis confectam ita quod in dicta pastura nec in aliquo redditu inde exeunte aliquid iuris vel clamei exigere potero in futurum Et ego predictus Robertus et heredes mei dictam pasturam cum omnibus suis pertinentiis predictis Ricardo et Agneti et eorum heredibus et assignatis contra omnes gentes warantizabimus imperpetuum In cuius rei testimonium huic scripto quiete clamancie sigillum meum apposui Datum apud Gestingthorpe die iovis proxima ante festum sancti Barnabe apostoli anno regni regis Edwardi tercii post conquestum quartodecimo Hiis testibus Thoma warde Ricardo de Chelmesho Thoma atte Parke et aliis multis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.