Sciant presentes et futuri quod ego Iohannes Shorthose de Gestingthorpe dedi concessi et hac presenti carta mea confirmavi Iohanni Stonham de Halstede tres croftas terre cum pertinentiis iacentes in villa de Gestingthorpe et Mapeltrestede parva quarum una crofta terre vocata Sagescroft et iacet inter regiam viam ducentem de Halstede versus Sudbery ex parte una et terram Iohannis Payn ex parte altera sicut sepibus et fossatis includitur et alia crofta terre vocata le Remete iacet inter regiam viam ducentem de Halstede versus Sudbery ex parte una et terram Thome Hereward ex parte altera et tercia crofta terre vocata Spytecroft iacet inter regiam viam ducentem de Halstede versus Sudbery ex parte una et terram Willelmi Shorthose ex parte altera sicut sepibus et fossatis includuntur et certis metis et bundis testantur habend et tenend predictas tres croftas terre cum omnibus eorum pertinentiis prefato Iohanni Stonham heredibus et assignatis suis de capitalibus dominis feodorum illorum per servicia que inde debentur imperpetuum et ego predictus Iohannes Shorthose et heredes mei totas predictas tres croftas terre cum omnibus eorum pertinentiis ut predictum est prefato Iohanni Stonham heredibus et assignatis suis contra omnes gentes warantizabimus imperpetuum In cuius rei testimonium huic presenti carte sigillum meum apposui Hiis testibus Iohanne Morell Roberto Hackesofte Henrico Toterich Willelmo Shorthose Ricardo Path Roberto Stonham Iohanne Dauwe et aliis Datum apud Gestingthorpe die iovis in festo annunciacionis beate Marie virginis anno regni regis Edwardi tercii post conquestum vicesimo quarto

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.