Hec indentura testatur cum Rogerus de Othelesho de Gestingthorpe feoffavit Iohannem atte Apiltone de eadem villa per quandam cartam feoffamenti in una pecia pasture iacente in villa predicta de Gestingthorpe prout in predicta carta plenius continetur tamen predictus Iohannes vult et pro se et heredibus suis concedit quod si habeat et teneat bene et pacifice dictam peciam pasture sibi heredibus et assignatis suis a die purificacionis beate Marie anno regni regis Edwardi tercii tricesimo quinto usque ad finem novem annorum per idem festum tunc proximorum sequencium et plenarie completorum item quod predictus Iohannes nec heredes sui nec sui assignati per predictum Rogerum nec per heredes suos nec per alios quoscumque nomine eorum pro dimissione dicte pecie pasture in predicto termino predictorum novem annorum non aggraventur nec implicitentur nec aliquod dampnum seu gravamen iniuste incurrat quod tunc predicta carta feoffamenti simul cum seisina et predicta pecia pasture cum sepibus et fossatis et cum omnibus aliis suis pertinentiis predicto Rogero et heredibus suis sursum reddantur et omnino deliberentur non obstante aliqua contradictione dicti Iohannis seu heredum suorum sin autem predictus Rogerus vult et pro se et heredibus suis concedit quod dicta carta feoffamenti simul cum seisina stet et in robore suo permaneat imperpetuum In cuius rei testimonium hiis presentibus indenturis partes predicte alternatim sigilla sua apposuerunt Hiis testibus Waltero de Wotton Thoma de Chelmesho Thoma warde Roberto at Park Iohanne Morell et aliis Datum apud Gestingthorpe die et anno supradictis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.