Sciant presentes et futuri quod ego Iohannes Shorthose de Gestingthorpe dedi concessi et hac presenti carta mea confirmavi Waltero de Wotton et Matilde uxori sue unam peciam terre cum pertinentiis iacentem in villa de Gestingthorpe inter terram Willelmi Helde ex una parte et venellam ducentem de domo Thome warde versus ecclesiam de Gestingthorpe ex altera parte unde unum capud abuttat super terram prioris et fratrum hospitalis sancti Iohannis Ierusalem et terram Thome warde predicti et aliud capud super terram quondam Ricardi Odelesho sicut sepibus et fossatis includitur et demonstratur habend et tenend predictam peciam terre cum suis pertinentiis prefatis Waltero de Wotton et Matilde uxori sue et heredibus ipsius Walteri de capitali domino feodi illius per servicia inde debita et de iure consueta imperpetuum Et ego predictus Iohannes Shorthose et heredes mei totam predictam peciam terre cum pertinentiis suis prefatis Waltero et Matilde uxori sue et heredibus ipsius Walteri ut predictum est contra omnes homines warantizabimus imperpetuum In cuius rei testimonium huic presenti carte sigillum meum apposui Hiis testibus Thoma Chelmesho Iohanne Morell Rogero Odelesho Thoma warde Willelmo Helde Thoma Stace et aliis Datum apud Gestingthorpe die iovis in octabis Epiphanie anno regni regis Edwardi tercii post conquestum vicesimo quarto

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.