Sciant presentes et futuri quod nos Philippus vicarius ecclesie de Gestingthorpe et Iohannes Tebold de eadem dedimus concessimus et hac presenti carta nostra confirmavimus Iohanni Shorthose de Gestingthorpe predicta unam peciam terre cum pertinentiis iacentem in villa predicta scilicet inter terram Willelmi Helde ex una parte et venellam ducentem de domo Thome warde versus ecclesiam de Gestingthorpe ex parte altera unde unum capud abuttat super terram prioris et fratrum hospitalis sancti Iohannis Ierusalem et terram Thome warde predicti et aliud capud super terram quondam Ricardi Odelesho sicut sepibus et fossatis includitur et demonstratur habend et tenend predictam peciam terre cum suis pertinentiis prefato Iohanni Shorthose heredibus et assignatis suis de capitalibus dominis feodi illius per servicia inde debita et de iure consueta imperpetuum Et nos predicti Philippus et Iohannes et heredes nostri predictam peciam terre cum suis pertinentiis ut predictum est prefato Iohanni Shorthose heredibus et assignatis suis contra omnes gentes warantizabimus imperpetuum In cuius rei testimonium huic presenti carte sigilla nostra apposuimus Hiis testibus Waltero Wotton Thoma Chelmesho Iohanne Morell Rogero Odelesho Thoma warde Willelmo Helde Thoma Stace et aliis Datum apud Gestingthorpe die martis in festo sancti Andree apostoli anno regni regis Edwardi tercii post conquestum vicesimo quarto

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.