Sciant presentes et futuri quod ego Willelmus Lovekyn de Mapeltrestede magna dedi concessi et hac presenti carta mea confirmavi Waltero de Wotton de Gestingthorpe quandam peciam terre cum pertinentiis iacentis in villa predicta de Mapeltrestede inter terram domini Iohannis de Houndekoumbre militis ex parte una et terram quondam Hugonis Schoremad ex parte altera et abuttat ad unum capud super terram dicti Hugonis et aliud capud super regiam viam ducentem de ecclesia de Mapeltrestede predicta versus rectoriam de Mapeltrestede habend et tenend dictam peciam terre cum sepibus et fossatis et cum omnibus aliis suis pertinentiis predicto Waltero de Wotton heredibus suis et suis assignatis de capitalibus dominis illius feodi per servicia inde debita et de iure consueta Et ego predictus Willelmus et heredes mei totam predictam peciam terre cum sepibus et fossatis et cum omnibus aliis suis pertinentiis predicto Waltero de Wotton heredibus suis et suis assignatis contra omnes gentes warantizabimus imperpetuum In cuius rei testimonium huic presenti carte sigillum meum apposui Hiis testibus Thoma Chelmesho Iohanne Horold Iohanne Matyn Iohanne atte Hoo Iohanne Groundoulf et aliis Datum apud Mapeltrestede predictam die dominica proxima post festum purificationis beate Marie anno regni regis Edwardi tercii a conquestu tricesimo sexto

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.