Sciant presentes et futuri quod ego Rogerus de Othulvesho de Gestingthorpe dedi concessi et hac presenti carta mea confirmavi Iohanni atte Apiltone de eadem villa quandam peciam pasture iacentem in villa predicta inter terram meam ex parte una et prata Thome de Chelmesho et Walteri de Wotton ex parte altera et abuttat ad unum capud super prata Iohannis Gile et dicti Iohannis de Apiltone et ad aliud capud super regiam viam ducentem de Gestingthorpe versus Soudbern habend et tenend dictam peciam pasture cum sepibus et fossatis et cum omnibus aliis suis pertinentiis predicto Iohanni ate Apiltone heredibus suis et suis assignatis de capitalibus dominis illius feodi per servicia inde debita et de iure consueta Et ego predictus Rogerus et heredes mei dictam peciam pasture cum sepibus et fossatis et cum omnibus aliis suis pertinentiis predicto Iohanni ate Apiltone heredibus et assignatis suis contra omnes gentes warantizabimus imperpetuum In cuius rei testimonium huic presenti carte sigillum meum apposui Hiis testibus Waltero de Wotton Thoma de Chelmesho Thoma warde Roberto atte Park Iohanne Morell et aliis Datum apud Gestingthorpe predictam die dominica proxima post festum purificacionis beate Marie anno regni regis Edwardi tercii a conquestu tricesimo quinto

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.