Hec indentura testatur quod frater Philippus de Thame prior et fratres hospitalis sancti Iohannis Ierusalem in Anglia unanimi assensu et voluntate concesserunt et ad firmam dimiserunt dilecto sibi in Christo domino Roberto de Northburgh rectori ecclesie de Colne Wake illos duos campos de manerio de Mapeltrestede in comitatu Essex qui vocantur Graggesfeld et Godewynesfeld cum suis pertinentiis tenend et habend de ipsis priore et fratribus et eorum successorum ad terminum vite ipsius domini Roberti reddendo inde annuatim dicto manerio de Mapeltrestede unam rosam in festo nativitatis sancti Iohannis Baptiste faciendo et supportando pro dictis priore et fratribus et eorum successoribus omnia onera ut de redditu de Netherhalle in Gestingthorpe et aliis quibuscumque dictis campis incumbentibus ita tamen quod dicti duo campi predictis priori et fratribus et eorum successoribus post mortem dicti domini Roberti sine vasto vel exilio integre revertantur In cuius rei testimonium sigillum commune predictorum prioris et fratrum et sigillum dicti domini Roberti huic indenture alternatim sunt appensa Datum apud Fontem Clericorum in celebracione capituli dictorum prioris et fratrum die martis in festo sancti Barnabe apostoli anno regni regis Edwardi tercii post conquestum Anglie vicesimo septimo regni vero sui Francie quartodecimo

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.