Memorandum quod venerabilis in Christo pater I[ohannes] Bathon[] et Wellen[] episcopus domini regis cancellarius die mercurii proxima post quindenam sancti Michaelis isto eodem termino coram domino rege apud Westmonasterium per manus suas proprias liberavit hic in curia quoddam recordum coram domino rege in cancellaria sua habitum hic in hec verba Placita coram domino rege in cancellaria sua apud Westmonasterium in quindena sancti Hillarii anno regni regis Henrici sexti post conquestum quintodecimo ESSEX Dominus rex mandavit breve suum clausum vicecomiti Essex[] in hec verba Henricus dei gratia rex Anglie et Francie et dominus Hibern[ie] vicecomiti Essex[] salutem Cum per quandam inquisicionem coram Iohanne Iwardeby nuper escaetore nostro in comitatu predicto virtute officii sui captam et coram thesaurario et baronibus nostris de scaccario nuper retornatam quam coram nobis in cancellariam nostram venire fecimus sit compertum quod Adam Golston[] de Gystyngthorpe tenuit de nobis in capite die quo obiit unum tenementum cum pertinentiis vocatum Othewell[] in Gystyngthorpe in comitatu predicto reddendo inde annuatim nobis octo denarios et quod prior sancti Iohannis Ierusalem in Anglia et sui predecessores et Thomas Herdekyn[] de Gystyngthorpe proficua et revenciones dicti tenementi cum pertinentiis per quadraginta annos et amplius ultimo preteritos perceperunt iamque Robertus Mallore nunc prior hospitalis sancti Iohannis Ierusalem predicti nobis supplicaverit ut cum predictum hospitale de priore et fratribus fundatum fuerit ante tempus memorie et ante statutum de religiosis de terris et tenementis ad manum mortuam non ponendis editum et quod ipse nunc prior et omnes predecessores sui priores hospitalis predicti ut in iure eiusdem hospitalis a tempore quo non extat memoria fuerint seisiti de tenemento predicto in dominico suo ut de feodo et iure hospitalis sui predicti et illud a toto tempore predicto tenuerint de Thoma filio Othonis et heredibus suis et eorum antecessoribus in liberam puram et perpetuam elemosinam et non de nobis immediate in capite prout per inquisicionem predictam supponitur et proficua et revenciones eiusdem tenementi per idem tempus perceperint prout eis bene licuit quousque idem nunc prior tam colore inquisicionis predicte quam colore quarundam literarum nostrarum patencium inde inter alia Iohanni Turvey per nomen unius tenementi cum pertinentiis vocati Othewell[] in Gestingthorpe in comitatu Essex[] quod Adam Goldston[] de Gestingthorpe tenuit de nobis in capite die quo obiit per servicium reddendi inde nobis annuatim octo denarios factarum a possessione sua tenementi predicti amotus fuit et expulsus minus iuste absque hoc quod predictus Adam Golston[] unquam aliquid habuit in eodem tenemento seu in aliqua parcella inde prout viis et modis quibus convenit paratus est edocere velimus literas predictas prefato Iohanni Turvey sic factas revocari et adnullari prefatumque nunc priorem ad possessionem suam tenementi predicti cum pertinentiis una cum exitibus inde medio tempore perceptis restitui iubere gratiose Nos volentes in hac parte fieri quod est iustum tibi precipimus quod scire facias prefato Iohanni Turvey quod sit coram nobis in cancellaria nostra in quindena sancti Hillarii proxima futura ubicumque tunc fuerit ad ostendendum si quid pro nobis aut pro seipso habeat vel dicere sciat quare litere predicte sibi ut premittitur facte revocari et adnullari prefatusque nunc prior ad possessionem suam tenementi predicti cum pertinentiis una cum exitibus inde a tempore amocionis et expulsionis predictarum receptis restitui non debeant et ad faciendum ulterius et recipiendum quod curia nostra consideraverit in hac parte Et habeas ibi nomina illorum per quos ei scire feceris et hoc breve Teste me ipso apud Westmonasterium decimo die novembris anno regni nostri quintodecimo Super quo idem vicecomes retornavit in cancellariam predictam quod virtute brevis predicti scire fecit prefato Iohanni Turvey quod esset coram dicto domino rege in cancellaria sua predicta ad quindenam predictam ubicumque tunc foret ad ostendendum faciendum et recipiendum prout breve predictum in se exigebat et requirebat per Iohannem atte Park[] Iohannem Polleigh[] Iohannem Resshey et Iohannem Coho probos et legales homines de balliva sua Ad quem diem predictus Iohannes Turvey in cancellaria predicta solempniter vocatus non venit per quod de advisamento iusticiariorum et servientium ipsius domini regis ad legem ac aliorum pereruditorum de consilio suo in eadem cancellaria sua ad tunc existencium consideratum fuit quod litere predicte revocentur et adnullentur Et super hoc venit Iohannes Vampage qui pro dicto domino rege sequitur in hac parte et pro eodem domino rege dicit quod predictus Adam tenuit de ipso rege in capite die quo obiit predictum tenementum cum pertinentiis prout pro dicto domino rege per dictam inquisicionem supponitur et hoc idem Iohannes Vampage pro eodem domino rege paratus est verificare et petit quod inquiratur per patriam et predictus prior similiter Ideo dies datus est eis coram prefato domino rege a die sancti Michaelis in quindecim dies ubicumque tunc fuerit in Anglia ad faciendum et recipiendum quod iustum fuerit in premissis Et preceptum est vicecomiti comitatus predicti quod venire faciat coram eodem domino rege ad diem illum viginti quattuor tam milites quam alios probos et legales homines de visu de Gystyngthorpe qui prefatum priorem nulla affinitate attingunt ad recognoscendum per eorum sacramentum super premissis plenius veritatem Ad quem diem coram domino rege apud Westmonasterium venit predictus nunc prior per attornatum suum Et vicecomes retornavit nomina viginti quattuor iuratorum quorum nullus etc Ideo preseptum est vicecomiti quod non omitteret etc quin distringet ipsos per omnes terras etc et quod de exitu etc. ita quod habeat corpora eorum coram domino rege in octabis sancti Martini ubicumque etc. ad recognitionem in forma predicta etc Idem dies datus est tam Thome Gresewold[], qui pro domino rege in hac parte sequitur etc quam prefato nunc priori etc Et continuato inde processu per iuratam positam in respectum coram domino rege usque ad hunc diem scilicet a die sancti Hillarii in quindecim dies tunc proximos sequentes ubicumque etc pro defectu iuratorum etc Ad quem diem coram domino rege apud Westmonasterium venit predictus nunc prior per Willelmum Sonde attornatum suum Et vicecomes retornavit nomina viginti quattuor iuratorum quorum nullus etc Ideo preseptum est vicecomiti quod non omitteret etc quin distringet eos per omnes terras etc. et quod de exitu etc. et quod habeat corpora eorum coram domino rege in octabis sancti Martini ubicumque etc ad recognitionem in forma predicta etc Idem dies datus est tam Thome Gresewold[], qui pro domino rege in hac parte sequitur etc quam prefato nunc priori etc Et continuato inde processu per iuratam positam in respectum coram domino rege usque ad hunc diem scilicet a die sancti Hillarii in quindecim dies tunc proximos sequentes ubicumque etc pro defectu iuratorum etc Ad quem diem coram domino rege apud Westmonasterium venit predictus nunc prior per attornatum suum Et iuratores exacti similiter venerunt qui ad veritatem de premissis dicendam electi triati et iurati servientibus domini regis ad legem ac attornatis ipsius regis in hac parte convocatis et presentibus dicunt super sacramentum suum quod predictus Adam Golston[] non tenuit die quo obiit predictum tenementum vocatum Othewell[] cum pertinentiis nec aliquam parcellam inde de domino rege in capite per servicium predictorum octo denariorum prout per inquisicionem predictam supponitur nec per aliquod aliud servicium nec idem Adam unquam aliquid habuit in eodem tenemento nec in aliqua parcella inde prout predictus nunc prior superius allegavit Ideo consensum est quod manus domini regis de dicto tenemento vocato Othewell[] amoveantur et quod predictus nunc prior ad possessionem suam eiusdem tenementi cum pertinentiis una cum exitibus et proficuis inde a tempore amocionis et expulsionis perceptis restituatur salvo semper iure domini regis si quod etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.