Sciant presentes etc quod ego Edmundus de Kemesek[] dedi et concessi et hac presenti carta mea confirmavi Deo et beate Marie et sancto Iohanni Baptiste et fratribus hospitalis sancti Iohannis Ierusalem in Anglia unum campum qui vocatur Westewod[] continentem 32 acras terre cum fossatis et hays ad predictam terram pertinentibus qui iacet inter parcum meum et terram de Thaxstede et terram hospitalis in villa de Samford[] habendam et tenendam predictam terram cum omnibus pertinentiis in puram et perpetuam elemosinam dictis fratribus et eorum successoribus de me et de heredibus meis imperpetuum Et ego Edmundus prenominatus et heredes mei dictam terram cum omnibus pertinentiis ut predictum est tam versus dominum regem quam versus quemcumque alium de omni seculari servicio contra omnes homines et feminas warantizabimus et defendemus in perpetuum Et ut hec mea donacio et concessio et presentis carte mee confirmacio rata et inconcussa permaneat presens scriptum sigilli mei inpressione roboravi Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.