Omnibus [etc] I dei gracia abbas Eygneshamie et eiusdem loci conuentus salutem in domino sempiternam Nouerit uniuersitas [uestra] nos dedisse [etc] magistro Ricardo de Hambir[] et suis heredibus siue suis assignatis unam placiam angularem in burgo Oxonie in parochia sancte Mildrede uirginis inter domum Galfridi de Submuro et domum abbatisse et conuentus de Godestowe habend et tenend dictam placiam de nobis et successoribus nostris predicto magistro Ricardo et heredibus suis uel suis assignatis libere quiete bene et in pace et cuicunque uoluerit uendere dare assignare uel in extremis legare reddendo inde annuatim nobis et successoribus nostris ipse et heredes sui uel sui assignati quindecim solidos et quatuor denarios ad quatuor anni terminos in burgo Oxonie generaliter statutos pro equis porcionibus soluendos pro omni seruicio Et si contingat quod absit quod sepedictus magister Ricardus siue heredes sui uel sui assignati in solucione predicti redditus suis terminis in parte seu in toto defecerit seu defecerint licebit nobis uel balliuis maioris Oxonie qui pro tempore fuerit dictam placiam pro uoluntate nostra intrare et pro redditu non soluto de die in diem distringere quousque nobis uel successoribus nostris tam de redditu non soluto quam de dampnis nostris et interesse plenarie fuerit satisfactum et dicti balliui pro qualibet racionabili districcione per eosdem facta recipient de predicto Ricardo et heredibus suis uel suis assignatis duodecim denarios sterlingorum Et nos [etc] Pro hac autem [etc] sepedictus magister Ricardus dedit nobis tres marcas argenti pre manibus In cuius [etc] Henrico Oweyn tunc maiore Nicholao de Kingestone W de O Philippo de O Elya le Culter burgensibus et aliis multis

Source Fulltext: Cartulary of the Abbey of Eynsham. H. E. Salter. Oxfordshire Record Society, New Series V.49. Oxfordshire Record Society. Clarendon Press. Oxford. 1907.