Gilbertus de Clare comes Hertford[] et Gloucest[] omnibus hominibus etc salutem etc Sciatis me concessisse et hac presenti carta [mea] etc Iohanni filio Petri de Samford donum quod Alina filia Galfridi filii Baldewini que fuit uxor Romfridi filii Rogeri et Ricardi de Clare ei dedit in libera potestate et viduetate sua pro homagio et servicio suo scilicet totum boscum suum de Tyndun[] quod est in manerio suo de Samford[] pro una virgata preter dimidiam virgatam terre Willelmi filii Reginaldi essartatam de eodem bosco et 40 acras de bosco suo de Westwode que se extendunt in longitudine a bosco Henrici de Kemesek[] usque ad latum cheminum et in latitudine a bosco comitis usque ad terram Roberti de Lyndesey et 3 rodas prati que iacent in prato de Selkeneye inter pratum Willelmi sweyn et pratum Savari quas Walterus Brond tenuit quandoque habendum et tenendum in feodo et in hereditate ipsi Iohanni et heredibus suis de predicta Alina et heredibus suis libere et quiete bene et pacifice per servicium quod continetur in carta originali Et ut donum ipsius Aline ratum et in concussum permaneat sigilli mei inpressione munivi Hiis testibus etc

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.