Omnibus Christi fidelibus presens scriptum visuris vel audituris frater Rogerus abbas de Wouborn[] et eiusdem loci conventus salutem in Domino Noverit universitas vestra quod cum contencio mota esset coram iusticiariis apud Bedef[ordiam] itinerantibus inter priorem hospitalis sancti Iohannis Ierusalem in Anglia et fratres eiusdem domus et nos super retencione cuiusdam annui redditus decem solidorum in quo eisdem priori et fratribus de iure tenebamur de quadam virgata terre in villa de Wengrave quem quidem redditum habuerunt de dono Willelmi filii Walteri de Risel[] in perpetuam elimosinam tandem inter predictum priorem et fratres ex una parte et nos et fratres nostros ex altera coram domino Nicholao de Turribus domino Roberto de Bruees et domino Adam de Greinvil[] domini regis Anglie iusticiariis itinerantibus in quindena Pasche anno regni regis Henrici filii regis Iohannis quadragesimo sexto ita convenit quod nos et successores nostri de cetero dicto priori et fratribus in solucione dictorum decem solidorum annui redditus videlicet de quinque solidis sterlingorum ad festum sancti Michaelis et de quinque solidis ad Pascha singulis annis de predicta terra sine qualibet difficultate tenemur imperpetuum In premissorum autem testimonium huic scripto sigillum nostrum apposuimus Hiis testibus domino Nicholao de Turribus domino Roberto de Bruees domino Adam de Grenvil[] domino Willelmo de Englefeld[] domino W Bonquor tuncibidem domini regis iusticiariis domino Willelmo de Bellocampo de Bedef[ordia] domino Ricardo de Hemmi[n]gton domino Iohanne Bossard[] domino Nicholao Peyver[] Iohanne filio Walteri de Risley et aliis

Source Fulltext: Cartulary of the Knights of St. John of Jerusalem. M. Gervers. Records of Social and Economic History, New Series 6. British Academy. Oxford University Press. Oxford. 1982.